கடிகாரம் - காலம்

1. காலத்தை கட்டுவதற்கு இல்லை
   கடிகாரமே நீ !
   பஞ்சாய் பறக்கும்
   நேரத்தை நூற்பதற்கு
   ----------------------------------------
    
2. கடிகாரமே நேரத்தை
   ஆள்வது போல் மமதை
   கொள்ளாதே  எங்கள்
   தேவைக்கே ஆக்கிக்கொண்டோம்
   உன்னை மொழி போல
   --------------------------------------------
    
3. மதிப்பற்ற ஒன்றை
   பரிசாகக் கொடுப்பதற்கும்
   பொருளாதார சிக்கலுக்குள்
   தருவதற்கே அன்பளிப்பாகிறாய்
   கடிகாரமே
   -----------------------------------------
    
4. கடிகாரமே நேரத்தை
   ஆள்வது போல் மமதை
   கொள்ளாதே  எங்கள்
   தேவைக்கே ஆக்கிக்கொண்டோம்
   உன்னை நூல் போல
   நூல் மொழியாள முடியாது
   நீயும் காலமெனும் மொழியாள
   முடியாது
   -----------------------------------
    
5. கடிகாரமே
   நீ வெளியில் தானே
   உன் மொழியை
   மட்டும் எம் மனதிலே
   செருகினாய்
   ------------------------------------
    
6. கடிகாரமே உன்னையும்
   உன் மொழியினையும்
   உதாசினப் படுத்தவே
   காதலும் காதலர்களையும்
   உருவாக்கினோம்.
   --------------------------------------
    
7. சந்தோஷ கணங்களில்
   பறக்கிறாய் பறவை போல்
   துன்பறும் வேளைகளில்
   நடக்கிறாய் நத்தை போல்
   -------------------------------
    
8. கடிகாரமே
   இயற்பியலிலும்  உயிரியலிலும்
   எனவிரு முகங்கள் கொண்டாய்
   ஒத்திசைந்து போவதையறிய
   கொடிய ஆய்வுகள் நடந்ததே
   (பிக் பாசை விட )
   ---------------------------------------
    
9. இன்புறா உயிர்களுக்கு
   நின்னால் ஒலிக்கப்படும்
   ஒவ்வொரு  நொடி சத்தமும்
   மரணத்தின்  நினைவுருத்தும்
   ---------------------------------------
    
10. வாழ்வை செவ்வனே
    கழிப்பவர்க்கு  நொடிமுள்
    நகர்தலெல்லாம் உள்ளம்
    நொடிய செய்யாது
    -------------------------------------------
     
11. யோக முறைகளில்
    உனைப்போல்  சீராக
    மூச்சினை விட்டால்
    உன்னை வெகுகாலம்
    பார்க்கலாம்  இதுவே
    முயல் ஆமை கதைக்கரு
    -----------------------------------------
     
12. என் மனதை உன்னோடு
    கட்டமாட்டேன்
    விரும்பி வாழ்வதை மட்டும்
    கணக்கிடுவேன் நீயோ
    வாழினும் வாழாவிடினும்
    கணக்கிடுவாய்
    --------------------------------------
     
13. காலமே நீயொரு  கானல் நீர்
    உனையே எண்ணினால் கண்ணில் நீர்
    -----------------------------------------------
     
14. சுதந்திரத்தின் உச்சியில்
    வாழ நினைப்பவன்  நான்
    உன்பலம்   கொண்டு
    எனையாள நினையாதே
    சார்பியல் கொண்டு
    கட்டுக்குள்  வைப்பேன்
    என்  அறிவினால்
    --------------------------------------
     
15. உள்ளம் இயற்பியல் கடிகாரத்தோடு
    இணைக்கப் பட்டிருந்தால்
    நன்றே உயிர்களுக்கு உணர்ச்சிகளால்
    பாதிப்படையாது உயிரியல் கடிகாரம்
    அதனால் தாக்கம் கொள்ளா
    நம் உணர்வுகள்
    ----------------------------------------------------
     
16. காலத்தையே பார்ப்பவரெல்லாம்
    பேரார்வத்தால் எதனையும்
    செய்ததுண்டோ ?
    இல்லை அவரைப் போல்
    காலத்தை  சரியாக
    கழித்தவருண்டோ ?
    ---------------------------------------------------------
     
17. காலமென்னும்  கடலினிலே
    கடிகாரம் என்னும் சதையில்லா
     மீனுள் மூன்றே முட்கள்
    --------------------------------------------
     
18. உயிரின்றி போனவரை
    காலமாகி போனாரென
    சொல்லுதல் முரணே
    எல்லாம் நின்று போனவர்
    எப்போதும் நில்லா காலத்தோடு
    எவ்வாறு ஒப்பாவார் ?
    ---------------------------------
     
19. காலம் தான் பதில்
    சொல்லும் என்று காலம்
    காலமாக சொல்லி வருகிறார்கள்
    காலம் பதில் சொல்லியிருக்கா ?
    ஆம்
    எல்லாம் கடந்து போகும்
    ----------------------------------------
     
20. காலத்தால் அழியா  எழுத்துக்கள்
    காலத்தால் அழியா கவிதைகள்
    காலத்தால் அழியா காதல்கதை
    என்று  போற்றி சொன்னதுண்டு
    ஆனால் அழியாததென்றும் காலமே
    ---------------------------------------------
     
21. என்னே புரிதல்  தமிழர்களுக்கும்
    தமிழ்மரபிற்கும்  மரணத்தை
    கொடியதாய் காட்டியது மேற்குலகம்
    இங்கே மரண தேவனுக்கு 
    பெயர் " காலன் "
     காலம் காப்பவனோ ?
    காலத்தில் கடமை ஆற்றுபவனோ ?
    ----------------------------------------------------
     
22. மரணம்  ஒரு முடிச்சு
    அவிழ்க்கும் தருணம்
    காலம் தான்  அவசியம்
    மெய்ப்பொருள் களைந்து
    செல்லும் கணமே மரணம்
    ----------------------------------------------------
     
23.  இயற்கை ஆடும் சீட்டாட்த்தில்
    காலம் தான் தீர்மானிக்கும்
    யாரைக் கவிழ்ப்பது யாரை
    ஜோக்கராக வைத்து கொள்வதென்று